લીપ યર બર્થડે 2024: પ્રખ્યાત ભારતીય સેલિબ્રિટી જેમનો જન્મદિવસ દર ચોથા વર્ષે આવે છે

આજનો દિવસ એ લોકો માટે ખૂબ જ ખાસ છે જેમને ચાર વર્ષમાં એકવાર પોતાનો જન્મદિવસ ઉજવવાનો મોકો મળે છે. ગ્રેગોરિયન કેલેન્ડર મુજબ, લીપ વર્ષમાં 366 દિવસ હોય છે.

આજે અમે તમને દેશની કેટલીક પ્રખ્યાત હસ્તીઓ વિશે જણાવવા જઈ રહ્યા છીએ, જેમનો જન્મદિવસ 29 ફેબ્રુઆરી એટલે કે લીપ યરના રોજ આવે છે. આમાં આપણા દેશના પૂર્વ પીએમ મોરારજી દેસાઈનું નામ પણ સામેલ છે.

આવો જાણીએ એ વ્યક્તિઓ કોણ છે જે ત્રણ વર્ષની લાંબી રાહ બાદ લીપ ડે પર પોતાનો જન્મદિવસ ઉજવે છે.

મોરારજી દેસાઈ :

સ્વતંત્રતા સેનાની અને ભારતના ભૂતપૂર્વ વડા પ્રધાન મોરારજી દેસાઈનો જન્મ વર્ષ 1896માં 29 ફેબ્રુઆરીના રોજ થયો હતો. દેશના મહાન નેતાનું 10 એપ્રિલ 1995ના રોજ અવસાન થયું હતું. મોરારજી દેસાઈ 99 વર્ષ જીવ્યા, છતાં તેમણે માત્ર 24 જન્મદિવસ ઉજવ્યા. આટલું જ નહીં, મોરાર જી દેસાઈ એકમાત્ર એવા ભારતીય રાજકારણી છે જેમનો જન્મ લીપ ડે પર થયો હતો.

પ્રકાશ નંજપ્પા:

ઓલિમ્પિયન અને અર્જુન એવોર્ડ વિજેતા ભારતીય શૂટર પ્રકાશ નંજપ્પાનો જન્મ 29 ફેબ્રુઆરી 1976ના રોજ થયો હતો. તેણે ગ્લાસગોમાં 2014 કોમનવેલ્થ ગેમ્સમાં સિલ્વર મેડલ અને 2014 ઇંચિયોન એશિયન ગેમ્સમાં બ્રોન્ઝ મેડલ જીત્યો હતો.

રુક્મિણી દેવી

ભારતની પ્રખ્યાત ભરતનાટ્યમ નૃત્યાંગના અને કલાક્ષેત્રના સ્થાપક રુક્મિણી દેવીનો જન્મ પણ વર્ષ 1904માં 29 ફેબ્રુઆરીએ થયો હતો.

એડમ સિંકલેર:

ભારતીય હોકી ટીમના સભ્ય એવા પ્રખ્યાત ખેલાડી એડમ સિંકલેરનો જન્મ લીપ વર્ષ એટલે કે 29 ફેબ્રુઆરીએ થયો હતો.

વર્ષા ઉસગાંવકર:

પ્રખ્યાત ભારતીય અભિનેત્રી વર્ષા ઉસગાંવકરનો જન્મદિવસ લીપ ડે એટલે કે 29મી ફેબ્રુઆરીએ આવે છે. 1990ના દાયકામાં મરાઠી અને હિન્દી ફિલ્મોમાં નામ કમાવનાર વર્ષાનો જન્મ 29 ફેબ્રુઆરી 1968ના રોજ થયો હતો.