IPL 2022 પહેલા ધોનીએ છોડ્યું CSKની કેપ્ટનશીપ, આ દમદાર ખેલાડી બન્યો નવો કેપ્ટન

ચેન્નાઈ સાપુર કિંગ્સ IPLની સૌથી સફળ ટીમોમાંથી એક છે. તેણે ચાર વખત આઈપીએલનો ખિતાબ જીત્યો છે. આ ટીમે મહેન્દ્ર સિંહ ધોનીની કરિશ્માયુક્ત કેપ્ટનશીપમાં નવી ઊંચાઈઓ હાંસલ કરી હતી. હવે ધોનીએ IPL 2022 પહેલા CSK ટીમની કેપ્ટનશીપ છોડી દીધી છે. તેની જગ્યાએ એક સ્ટાર ખેલાડીને કેપ્ટન બનાવવામાં આવ્યો છે.

આ ખેલાડી CSKનો નવો કેપ્ટન બન્યો

મહેન્દ્ર સિંહ ધોની (MS ધોની) એ ઈન્ડિયન પ્રીમિયર લીગ 2022ની શરૂઆત પહેલા ચેન્નાઈ સુપર કિંગ્સની કેપ્ટનશીપ છોડી દીધી છે. આ તેના ચાહકો માટે આંચકાથી ઓછું નથી. ધોનીની જગ્યાએ સ્ટાર ઓલરાઉન્ડર રવિન્દ્ર જાડેજાને કેપ્ટન બનાવવામાં આવ્યો છે. ચેન્નાઈ સુપર કિંગ્સે પોતાની ઓફિશિયલ વેબસાઈટ દ્વારા આ જાણકારી આપી છે. ધોની એક ખેલાડી તરીકે ટીમ સાથે જોડાયેલો રહેશે. તમને જણાવી દઈએ કે IPL 2022ની મેગા ઓક્શન પહેલા જાડેજા ચેન્નાઈ દ્વારા રિટેન કરાયેલો સૌથી મોંઘો ખેલાડી હતો.ચેન્નાઈએ તેને 16 કરોડ રૂપિયામાં જાળવી રાખ્યો હતો. જ્યારે ટીમે એમએસ ધોનીને 12 કરોડ રૂપિયા ચૂકવ્યા હતા.