આઇપીએલ 2023: આઇપીએલ ઇતિહાસના સૌથી મજબૂત મહાન રેકોર્ડ, તેને તોડવો અશક્ય

2023: આઇપીએલમાં દર વર્ષે દુનિયાના શ્રેષ્ઠ ખેલાડીઓ મેદાન પર ઉતરે છે. જ્યારે આટલા મોટા ખેલાડીઓ લીગમાં રમે છે, ત્યારે રેકોર્ડબનાવવા અને તોડવામાં આવે તે સામાન્ય બાબત છે. આઇપીએલમાં આપણે બધાએ ઘણી વખત કેટલાક ખાસ રેકોર્ડ બનતા જોયા છે. આજે અમે તમને આવા જ કેટલાક રેકોર્ડ વિશે જણાવીશું જેને આજ સુધી કોઈ તોડી શક્યું નથી, ન તો કોઈ આ રેકોર્ડની આસપાસ પહોંચી શક્યું છે.

આઈપીએલમાં અત્યાર સુધી સૌથી ઝડપી સદી ફટકારવાનો રેકોર્ડ ક્રિસ ગેલના નામે છે. ક્રિસ ગેલે 2013માં આરસીબી તરફથી રમતા પૂણે વોરિયર્સ સામે આ કારનામું કર્યું હતું. ગેલે આ મેચમાં 30 બોલ પર પોતાની સદી પૂરી કરી હતી.

ત્રણ વર્ષ પહેલા મુંબઇ ઇન્ડિયન્સ તરફથી રમતા સમયે અલઝારી જોસેફે સનરાઇઝર્સ હૈદરાબાદ સામે તરખાટ મચાવ્યો હતો અને 3.4 ઓવરમાં 12 રન આપીને 6 વિકેટ ઝડપી હતી. પોતાના સ્પેલમાં સૌથી વધુ વિકેટ લેવાનો રેકોર્ડ અલઝારી જોસેફના નામે છે.

આઇપીએલમાં જ્યારે પણ સિક્સર ફટકારવાની વાત આવે છે ત્યારે ક્રિસ ગેલનું નામ સૌથી આગળ આવે છે. ક્રિસ ગેલે 2013માં પૂણે વોરિયર્સ સામે 17 છગ્ગા ફટકાર્યા હતા, જે અત્યાર સુધીની એક ઇનિંગમાં સૌથી વધુ સિક્સર છે.

વિરાટ કોહલીએ દરેક ફોર્મેટમાં રન બનાવ્યા છે, આઇપીએલમાં પણ કોહલી એક સિઝનમાં સૌથી વધુ રન બનાવનાર બેટ્સમેન છે. વર્ષ 2016 આઈપીએલમાં તેમના માટે સર્વશ્રેષ્ઠ રહ્યું હતું. 16 મેચમાં તેણે 973 રન બનાવ્યા હતા, જે એક સિઝનમાં કોઈ પણ બેટ્સમેન દ્વારા ફટકારવામાં આવેલા સર્વાધિક રન છે.

આઈપીએલમાં સૌથી ઝડપી અડધી સદી ફટકારવાનો રેકોર્ડ કેએલ રાહુલના નામે છે. કેએલ રાહુલે 2018માં 14 બોલમાં અડધી સદી ફટકારી છે. રાહુલે 2018માં દિલ્હી કેપિટલ્સ સામે 14 બોલમાં 51 રન બનાવ્યા હતા.

દરેક બોલર માટે હેટ્રિક લેવી એ એક મોટું સપનું હોય છે. સતત ત્રણ બોલ પર ત્રણ વિકેટ લેવી ખૂબ જ મુશ્કેલ કામ છે. પરંતુ અમિત મિશ્રાએ આઇપીએલના ઇતિહાસમાં 3 હેટ્રિક લીધી છે, અમિત મિશ્રા આઇપીએલનો હાઇએસ્ટ હેટ્રિક બોલર છે.