દિવાળી સુધી દરરોજનાં શુભ મુહૂર્ત: 6થી 12 નવેમ્બર સુધી તમે કયા દિવસે શું ખરીદી શકો છો?

6 નવેમ્બર, સોમવાર: શુક્લ અને ગજકેસરી યોગ

આ શુભ સમય દરમિયાન, વ્યક્તિ મીઠાઈઓ, મોતીનાં આભૂષણો, સુગંધી વસ્તુઓ, માછલીઘર અથવા પાણી સાથે સંબંધિત સુશોભન વસ્તુઓ અને સ્ત્રીઓ સંબંધિત વસ્તુઓ ખરીદી શકે છે.

7 નવેમ્બર, મંગળવાર: બ્રહ્મ અને શુભકર્તરી યોગ

આ દિવસે શુભ યોગ બનવાના કારણે ઈલેક્ટ્રોનિક સામાનની ખરીદી કરવી શુભ રહેશે. પ્રોપર્ટીમાં રોકાણ માટે પણ આ દિવસ ખાસ રહેશે.

8 નવેમ્બર, બુધવાર: ઇન્દ્ર, દામિની અને સ્થિર યોગ

આ દિવસે બનેલા ત્રણ શુભ સંયોગથી ઘરેણાં, કપડાં અને સ્ટેશનરી ખરીદવી શુભ રહેશે. શેરબજારમાં રોકાણ કરવા અને બિઝનેસ વધારવા માટે પણ આ દિવસ ખાસ રહેશે.

9 નવેમ્બર, ગુરુવાર: શુભકર્તારી અને ઉભયચારી યોગ

ફર્નિચર, મશીનરી અને વાહનોની ખરીદી માટે આ દિવસ શુભ રહેશે કારણ કે આ દિવસે બે રાજયોગ બની રહ્યા છે. આ શુભ યોગોને કારણે નવા કાર્યની શરૂઆત કરવા માટે પણ દિવસ સારો રહેશે.

10 નવેમ્બર, શુક્રવાર: શુભકર્તારી, જ્યેષ્ઠ, સરલ, સુમુખ અને અમૃત યોગ

આ દિવસે ધનતેરસ હોવાથી ઘરેણાં, કપડાં, ઈલેક્ટ્રોનિક વસ્તુઓ અને તમામ પ્રકારની ખરીદી કરી શકાય છે. વાહન ખરીદી માટે આ દિવસ ખાસ બની રહ્યો છે. 5 શુભ યોગ બનવાના કારણે નવી શરૂઆત માટે પણ આજનો દિવસ મહત્ત્વપૂર્ણ રહેશે.

11 નવેમ્બર, શનિવાર: પ્રીતિ અને સર્વાર્થસિદ્ધિ યોગ

આ શુભ યોગોમાં કરવામાં આવેલ કાર્ય સફળ માનવામાં આવે છે, તેથી વાહન અને મશીનરી ખરીદવા અથવા ફેક્ટરી શરૂ કરવા માટે દિવસ સારો છે. આ દિવસે દરેક પ્રકારની ખરીદી કરી શકાય છે.

12 નવેમ્બર, રવિવાર: આયુષ્માન અને સૌભાગ્ય યોગ

લક્ષ્મીજીનો તહેવાર હોવાથી આ દિવસે કોઈપણ પ્રકારની નવી શરૂઆત, ખરીદી, રોકાણ અને લેવડદેવડ કરવી ખૂબ જ શુભ રહેશે. આ દિવસે શુભ યોગ બનવાના કારણે તમે ખાસ કરીને સોનું, ચાંદી, ઝવેરાત અને વાસણોની ખરીદી કરી શકો છો.