નવા વર્ષની શરૂઆત થશે એકદમ જોરદાર, બસ રાખો આ વાસ્તુ નિયમોનું ધ્યાન, થશે પ્રગતિ

હવે થોડા દિવસોમાં નવું વર્ષ શરૂ થવાનું છે. આવી સ્થિતિમાં દરેક વ્યક્તિ ઈચ્છે છે કે વર્ષનો પહેલો દિવસ શુભ રહે જેથી તેનું આખું વર્ષ સુખ-શાંતિથી ભરેલું રહે.આ ઉપરાંત ઘરમાં સુખ-સમૃદ્ધિ અને શાંતિ રહે અને સ્વાસ્થ્ય પણ સારું રહે. પરિવારના તમામ સભ્યો ફિટ હોવા જોઈએ. વાસ્તુશાસ્ત્ર અનુસાર નવા વર્ષને સારું બનાવવા માટે વાસ્તુના કેટલાક ઉપાયો અપનાવવા જોઈએ. આ વાસ્તુ નિયમોથી તમને આખા વર્ષ દરમિયાન આર્થિક લાભ તો થશે જ, સાથે જ તમારા ઘરમાં સુખ-સમૃદ્ધિનો વાસ થશે. તો ચાલો જાણીએ આવનારા વર્ષની સારી શરૂઆત માટે કેટલીક વાસ્તુ ટિપ્સ.

ઘરનો મુખ્ય દરવાજો આ રીતે રાખો

વાસ્તુ અનુસાર ઘરનો મુખ્ય દરવાજો વ્યક્તિના જીવનની સુખ-સમૃદ્ધિ સાથે જોડાયેલો છે. જો તમે નવું મકાન બનાવી રહ્યા છો, તો ધ્યાન રાખો કે મુખ્ય દરવાજાની સામે કોઈ વૃક્ષ, ઈલેક્ટ્રીક પોલ કે તળાવ ન હોવું જોઈએ. ઘરના મુખ્ય દરવાજાને સાઈઝમાં થોડો મોટો કરવાનો પ્રયાસ કરો. આ સિવાય મુખ્ય દ્વાર પર કચરો ક્યારેય ન રાખવો જોઈએ. એવું માનવામાં આવે છે કે આવું કરવાથી દેવી લક્ષ્મીનો વાસ ક્યારેય થતો નથી.
મોર પીંછા ખરીદો

ઘરમાં મોરનું પીંછ રાખવું ખૂબ જ શુભ માનવામાં આવે છે. મોર પીંછા ભગવાન કૃષ્ણ સાથે સંબંધિત હોવાથી એવું માનવામાં આવે છે કે તેને ઘરમાં લગાવવાથી દરિદ્રતાનો નાશ થાય છે અને ઘરમાં સુખ-શાંતિ આવે છે. જીવનમાં આવતી સમસ્યાઓ પણ તેનાથી દૂર થઈ જાય છે.

લાફિંગ બુદ્ધા

વાસ્તુ અનુસાર લાફિંગ બુદ્ધાને ઘરમાં રાખવું ખૂબ જ શુભ માનવામાં આવે છે. નવા વર્ષના અવસર પર ઘરમાં લાફિંગ બુદ્ધા અવશ્ય લાવો, કારણ કે એવું માનવામાં આવે છે કે તેનાથી ખુશીઓ આવે છે અને પરિવારના તમામ સભ્યો વચ્ચે પ્રેમ પણ વધે છે. ઘરના ડ્રોઈંગમાં લાફિંગ બુદ્ધા રાખવા જોઈએ.

એક્વેરિયમ રાખવું શુભ છે

વાસ્તુ અનુસાર ઘરમાં એક્વેરિયમ રાખવાથી શુભફળ મળે છે. આ સિવાય તે તમને અને તમારા પરિવારને ખરાબ નજરથી પણ બચાવે છે. જો તમારા ઘરમાં એક્વેરિયમ નથી, તો તેને નવા વર્ષ પર લાવો અને તેને ઘરની ઉત્તર દિશામાં રાખો. એવું માનવામાં આવે છે કે આ દિશા ધનના દેવતા કુબેરની દિશા છે.

કાચબો સુખ અને શાંતિ લાવે છે

વાસ્તુ અનુસાર કાચબાને સુખ અને શાંતિનું પ્રતિક માનવામાં આવે છે. જો તમારા ઘરમાં રોજેરોજ ઝઘડા થાય છે, તો નવા વર્ષ પર કાચબા ખરીદો. એવું માનવામાં આવે છે કે આનાથી ઘરમાં કલેશ અટકે છે અને સુખ-શાંતિનું વાતાવરણ જળવાઈ રહે છે.