મોટા પડદા પરથી ગાયબ થઈ ગઈ 90ના દાયકાની આ અભિનેત્રીઓ, જાણો આજે ક્યાં છે આ અભિનેત્રીઓ

હિન્દી ફિલ્મ ઇન્ડસ્ટ્રીમાં એવી ઘણી અભિનેત્રીઓ છે જેમણે પોતાની એક્ટિંગ અને કેરેક્ટરના કારણે લાંબા સમય સુધી લોકોના દિલ પર રાજ કર્યું છે. આમાંની ઘણી હિરોઇનો 90ના દાયકાની પણ છે, જે આજે પણ દર્શકોનું મનોરંજન કરી રહી છે. જો કે એવી ઘણી અભિનેત્રીઓ છે જે 90ના દાયકામાં બોલિવૂડનો મહત્વનો ભાગ હતી, પરંતુ હવે તેઓ મોટા પડદેથી સંપૂર્ણપણે ગાયબ થઇ ગઇ છે. આવો જોઇએ આ યાદી…

મમતા કુલકર્ણી

મમતા કુલકર્ણીની ગણતરી 90ના દાયકાની ટોચની અભિનેત્રીઓમાં થતી હતી. પોતાની અભિનય કારકિર્દીમાં મમતાએ બોલીવૂડના અનેક મોટા કલાકારો સાથે સુપરહિટ ફિલ્મો આપી છે. જોકે, તેના એક ખોટા નિર્ણયે તેને બોલિવૂડથી દૂર કરી દીધો હતો. મીડિયા રિપોર્ટ્સ અનુસાર મમતાએ ડ્રગ માફિયા વિક્કી ગોસ્વામી સાથે લગ્ન કરીને વિદેશમાં વસી ગયા હતા, જોકે મમતાએ ક્યારેય આ વાતની પુષ્ટિ કરી નથી. મમતા હવે કેન્યામાં રહે છે અને તેણે ભારતીય મૂળના બિઝનેસમેન ઉરુ પટેલ સાથે મળીને એક પ્રોડક્શન કંપની પણ ખોલી હોવાના અહેવાલ અનેક અહેવાલોમાં આવ્યા છે.

આયેશા ઝુલ્કા

90ના દાયકાની સફળ અભિનેત્રીઓમાં આયેશા ઝુલ્કાનું નામ પણ સામેલ છે. આયેશાએ પોતાના કરિયરમાં ખિલાડી, જો જીતા વો સિકંદર, વક્ત હમારા હૈ અને માસૂમ જેવી ફિલ્મોમાં કામ કર્યું છે. એક સમય હતો જ્યારે આયેશાને મોટા મોટા દિગ્દર્શકોએ ફિલ્મોની ઓફર કરી હતી, પરંતુ 2003માં સમીર વાશી સાથે લગ્ન કર્યા બાદ ફિલ્મ જગતમાં તેની સક્રિયતામાં નોંધપાત્ર ઘટાડો થયો હતો. 49 વર્ષીય આયેશા હાલ પોતાના લગ્ન જીવનને માણી રહી છે.લાંબા સમય બાદ 2018માં તે જીનિયસ ફિલ્મમાં જોવા મળી હતી.

સોમી અલી

પાકિસ્તાનની સોમી અલી 90ના દાયકામાં પોતાની સુંદરતાને કારણે ચર્ચામાં રહેતી હતી. તેમણે 1992માં ફિલ્મ બુલંદથી પોતાના કરિયરની શરૂઆત કરી હતી, પરંતુ આ ફિલ્મ ક્યારેય થિયેટર સુધી પહોંચી શકી નહોતી. ત્યારબાદ તે અર્થ, આઓ પ્યાર કરો અને આંદોલન જેવી ફિલ્મોમાં જોવા મળી હતી. ફિલ્મોમાં કામ કરતી વખતે સોમીનું નામ સલમાન ખાન સાથે પણ જોડાયું હતું. વર્ષ 1997થી લઈને અત્યાર સુધી તેણે કોઈ બોલિવૂડ ફિલ્મમાં કામ કર્યું નથીસોમી ‘નો મોર ટીયર’ નામની સંસ્થા ચલાવે છે, જે ઘરેલુ હિંસાથી પીડિત મહિલાઓને મદદ કરે છે.

મીનાક્ષી શેષાદ્રી

મીનાક્ષી શેષાદ્રી એક એવું નામ છે જેમણે 80 અને 90ના દાયકામાં ઘણી સુપરહિટ ફિલ્મો આપી છે. મીનાક્ષીએ પોતાના ફિલ્મી કરિયરમાં ઘણા સુપરસ્ટાર્સ સાથે કામ કર્યું છે. મીનાક્ષીએ ૧૯૯૫ માં ઇન્વેસ્ટમેન્ટ બેંકર હરીશ મૈસુર સાથે લગ્ન કર્યા હતા. લગ્ન બાદ તે ફિલ્મી દુનિયાને અલવિદા કહી અમેરિકા શિફ્ટ થઇ ગઇ હતી.

પૂજા ભટ્ટ

આ લિસ્ટમાં પૂજા ભટ્ટનું નામ પણ સામેલ છે. પૂજા પણ 90ના દાયકાની સુંદર અભિનેત્રીઓમાંની એક છે. પોતાના કરિયરમાં તેણે આમિર ખાન સાથે શાહરૂખ ખાન સાથે કામ કર્યું છે. મહેશ ભટ્ટની દીકરી હોવા છતાં તેની કારકિર્દી કંઇ ખાસ ચાલી શકી નહોતી. એક્ટિંગ બાદ પૂજા હવે ફિલ્મ ડાયરેક્ટર બની ચૂકી છે. તેની દિગ્દર્શક ૨ એ ઘણી હેડલાઇન્સ બનાવી હતી.