બોલિવૂડના મહાનાયક અમિતાભ બચ્ચનની એક્ટિંગના લોકો કાયલ છે. અમિતાભ બચ્ચનની એક ઝલકને માટે લોકો એટલે કે તેમના ફેન્સ કંઈ પણ કરવા તૈયાર થઈ જાય છે. પણ શું તમને ખબર છે કે મહાનાયક અમિતાભ બચ્ચન હનુમાનજીના મોટા ભક્ત છે. પ્રયાગરાજના કોતવાલ ગણાતા અને સંગમ તટ પર સૂતેલા શ્રી રામ ભક્ત હનુમાન મંદિરમાં તેઓ દર વર્ષે અરદાસ લગાવે છે. અહીં આપને જણાવી દઈએ કે હનુમાનજીમાં બિગ બીની ખાસ આસ્થા ધરાવે છે. દર વર્ષે તેમના પ્રતિનિધિ મુંબઈના પ્રયાગરાજ આવે છે અને આ મંદિરમાં ખાસ પૂજા અર્ચના કરાવે છે. આ રીતે બીગ બી આ હનુમાન મંદિરમાં પોતાની હાજરી નોંધાવે છે. આ મંદિરથી અમિતાભનું બાળપણ જોડાયેલું છે. પિતા ડો. હરિવંશરાય બચ્ચનની સાથે બાળપણમાં તેઓ આ મંદિરમાં દર શનિવાર અને મંગળવારે દર્શનાર્થે આવતા. સાથે તેમના નાના ભાઈ અજિતાભ પણ રહેતા.
પિતા હરિવંશરાય બચ્ચને બિગ બીની સલામતી માટે અહીં સૌ પહેલા કરાવી હતી પૂજા
વર્ષ 1982માં કુલી ફિલ્મના શૂટિંગમાં અમિતાભ ઘાયલ થયા હતા અને સાથે તેમની તબિયત ખૂબ જ બગડી ગઈ હતી. બિગ બીના પિતા ડો. હરિવંશરાય બચ્ચને આ મંદિરમાં પૂજા પાઠ કરાવ્યા, યજ્ઞની પૂર્ણાહૂતિના દિવસે હવન કરતી સમયે પિતાને ખ્યાલ આવ્યો કે હવે અમિતાભની તબિયત સારી છે. આ ઘટના બાદથી અમિતાભ આ મંદિર અને બજરંગબલીની પ્રતિ આસ્થા વધી. સાથે તેઓ દર વર્ષે અહીં પોતાની હાજરી નોંધાવે છે અને સાથે જ આ મંદિરમાં અમિતાભના ભાઈ અજિતાભે 51 કિલોનો પિત્તળનો ઘંટ પણ લગાડાવ્યો છે.
પ્રયાગરાજનું લેટે હનુમાન મંદિર
હનુમાનજીનું આ પ્રાચીન મંદિર ત્રિવેણી સંગમની નજીક કિલાના કિનારે સ્થિત છે. આ મંદિરમાં હનુમાનજીની દક્ષિણામુખી વિશાળ મૂર્તિ છે. જે 6-7 ફૂટ નીચે છે. મૂર્તિનું માથું ઉત્તર અને પગ દક્ષિણ દિશામાં છે. તેને મોટા હનુમાનજી, કિલાના હનુમાનજી અને બાંઘવાળા હનુમાનજી કહેવામાં આવે છે. અહીં મંગળવાર અને શનિવારે શ્રદ્ધાળુઓની ભીડ રહે છે. મંદિરને વિશે માન્યતા એવી પણ છે કે અહીં હનુમાનજીના ડાબા પગની નીચે કામદા દેવી અને જમણા પગની નીચે અહિરાવણ દબાયેલું છે. ડાબા હાથ પર શ્રીરામ અને લક્ષ્મણ અને જમણા હાથમાં ગદા સુશોભિત છે. માન્યતા એવી પણ છે કે સૂતેલા હનુમાનજી ભક્તોની તમામ મનોકામનાઓ પૂરી કરે છે.
આવું છે મંદિરનું પૌરાણિક મહત્વ
