આ છે ટીવી જગતની ઊંચી રકમ લેનારી અભિનેત્રીઓ, એક તો માઁ બનીને કરી રહું છે દર્શકોના દિલો પર રાજ

વીતેલા આટલા વર્ષોમાં આપણે ગ્લેમર વર્લ્ડમાં ઘણી અભિનેત્રીઓને તેમની ફી વિશે ફરિયાદ કરતા સાંભળ્યા છે. અમે કલાકારોને ફિલ્મ માટે તગડી ફી લેતા જોયા છે, જ્યારે અભિનેત્રીઓને તે ફીના 50 ટકા મળે છે. જોકે, સમય સાથે પરિસ્થિતિ બદલાતી રહે છે. દુનિયાભરમાં એવી ઘણી અભિનેત્રીઓ છે જે સિનેમા જગતમાં કલાકારો કરતા વધુ ફી લે છે. આ અભિનેત્રીઓ આવનારી પેઢીઓ માટે નવા રસ્તાઓ ખોલી રહી છે. કલાકારો માટે વધુ કમાણી કરવાનો આ સમય નથી કારણ કે હવે બધા એમની પ્રતિભા અનુસાર ફી આપવામાં આવે છે

ટીવી અભિનેત્રીઓ લોકપ્રિય શોમાં તેમના શાનદાર અભિનયથી દરેક ઘરમાં પોતાની ઓળખ બનાવે છે. કેટલીકવાર આ અભિનેત્રીઓને તેમના શોમાં ભજવવામાં આવેલા પાત્રોના નામથી ઓળખવામાં આવે છે. આ જ કારણ છે કે હવે અભિનેત્રીઓ તેમના કામ માટે મોટી રકમ લે છે. ‘અનુપમા’નું પાત્ર ભજવતી રૂપાલી ગાંગુલીથી લઈને ‘યે રિશ્તા ક્યા કહેલાતા હૈ’ ફેમ હિના ખાન સુધી, અમે આજે ટેલિવિઝન ઉદ્યોગની સાત સૌથી વધુ કમાણી કરતી અભિનેત્રીઓની યાદી મૂકી છે.

રૂપાલી ગાંગુલી

‘સારાભાઈ વર્સેસ સારાભાઈ’માં ‘મોનિષા સારાભાઈ’થી લઈને લોકપ્રિય ડેઈલી સોપ ‘અનુપમા’માં મુખ્ય ભૂમિકા ભજવવા સુધી, રૂપાલી ગાંગુલીએ આ ઈન્ડસ્ટ્રીમાં ઘણો લાંબો રસ્તો કાઢ્યો છે. રૂપાલીએ સાત વર્ષના બ્રેક બાદ અનુપમાના પાત્ર સાથે ટીવી પર પુનરાગમન કર્યું હતું. ત્યારથી આ શો ટોપ પર રહ્યો છે, જેના કારણે રૂપાલી સૌથી વધુ કમાણી કરનાર અભિનેત્રી બની ગઈ છે. રૂપાલી ગાંગુલીએ સિરિયલની શરૂઆતમાં રોજના 1.5 લાખ રૂપિયા ચાર્જ કર્યા હતા અને જો કે શોની સક્સેસને જોતા એમને પોતાની ફી વધારીને ત્રણ લાખ રૂપિયા કરી દીધી છે

હિના ખાન

હિના ખાને પોપ્યુલર શો ‘યે રિશ્તા ક્યા કહેલાતા હૈ’થી પોતાના કરિયરની શરૂઆત કરી હતી. આ સિરિયલમાં ભજવેલ તેનું પાત્ર ‘અક્ષરા’ લોકોમાં ખૂબ જ લોકપ્રિય બન્યું હતું. આ પછી હિનાએ ‘કસૌટી ઝિંદગી કી’માં પણ કોમોલિકાનો રોલ કર્યો હતો. તે ઘણા OTT શોનો પણ ભાગ રહી ચુકી છે. તેની કારકિર્દીની શરૂઆતમાં, તેણીએ 80,000 રૂપિયા ફી લીધી હતી, ત્યારબાદ તે હવે પ્રતિ એપિસોડ 2 લાખ રૂપિયા લે છે.

દિવ્યાંકા ત્રિપાઠી દહિયા

દિવ્યાંકા ત્રિપાઠીએ તેની અભિનય કારકિર્દીની શરૂઆત દૂરદર્શન પર એક ટીવી શોથી કરી હતી. જો કે, તે ‘બાનુ મેં તેરી દુલ્હન’ શો દ્વારા પ્રખ્યાત થઈ હતી. આ પછી તેણે શો ‘યે હૈ મોહબ્બતેં’માં પોતાના પાત્ર ‘ડૉ ઇશિતા ભલ્લા’થી બધાના દિલ પર રાજ કર્યું. દિવ્યાંકાએ 1 લાખ રૂપિયાથી શરૂઆત કરી હતી અને હવે તે પ્રતિ એપિસોડ 1.5 લાખ રૂપિયા લે છે.

સાક્ષી તંવર

સાક્ષી તંવરે વર્ષ 1998માં ‘અલબેલા સુર મેલા’ શોથી ટેલિવિઝન ડેબ્યૂ કર્યું હતું. જો કે, તે શો ‘કહાની ઘર ઘર કી’માં તેના પાત્ર ‘પાર્વતી અગ્રવાલ’થી પ્રખ્યાત થઈ હતી. તે ‘બડે અચ્છે લગતે હૈં’ અને ફિલ્મ ‘દંગલ’ જેવા પ્રોજેક્ટનો પણ ભાગ રહી ચુકી છે. સાક્ષી તંવર પ્રતિ એપિસોડ 1.25 લાખ રૂપિયા ચાર્જ કરે છે.

જેનિફર વિંગેટ

જેનિફર વિંગેટ બાળપણથી જ ગ્લેમરની દુનિયામાં કામ કરી રહી છે. માત્ર 12 વર્ષની ઉંમરે તેણે ફિલ્મ ‘રાજા કો રાની સે પ્યાર હો ગયા’માં બાળ કલાકાર તરીકે કામ કર્યું હતું. બાદમાં તેણે ‘કસૌટી જિંદગી કી’માં ‘સ્નેહા’ અને ‘દિલ મિલ ગયે’માં ‘ડૉ. રિદ્ધિમા ગુપ્તા’ની ભૂમિકા ભજવી હતી. વર્ષ 2016માં ‘બેહદ’ શોમાં તેના દ્વારા ભજવાયેલ પાત્ર ‘માયા મેહરોત્રા’ દર્શકોના મનમાં વસી ગયું હતું. જણાવી દઈએ કે જેનિફર પ્રતિ એપિસોડ એક લાખ રૂપિયા લે છે.

અંકિતા લોખંડે

અંકિતા લોખંડેએ 2004ના રિયાલિટી શો ‘ઈન્ડિયાઝ સિનેસ્ટાર કી ખોજ’માં તેની અભિનય પ્રતિભા દર્શાવી હતી. તેણીએ પછીથી લોકપ્રિય દૈનિક સોપ ‘પવિત્ર રિશ્તા’માં દરેક ઘરમાં ‘અર્ચના’ બનીને પોતાની ઓળખ બનાવી. વર્ષ 2018 માં, તેણીએ કંગના રનૌતની મણિકર્ણિકા: ધ ક્વીન ઓફ ઝાંસી સાથે બોલીવુડમાં પ્રવેશ કર્યો. અભિનેત્રી હાલમાં ‘પવિત્ર રિશ્તા 2’ શોમાં કામ કરી રહી છે, અને તે પ્રતિ એપિસોડ 90 હજારથી 95 હજાર રૂપિયા ચાર્જ કરે છે.

નિયા શર્મા

નિયા શર્માએ ‘એક હજારો મેં મેરી બેહના હૈ’ શોથી ઘર-ઘરમાં ઓળખ બનાવી હતી. નિયા ‘જમાઈ રાજા’ અને ‘ઈશ્ક મેં મરજાવાં’ જેવા ઘણા પ્રખ્યાત શોનો ભાગ રહી ચુકી છે. નિયા તેના પ્રોજેક્ટ માટે 75 હજારથી 80 હજાર રૂપિયા ચાર્જ કરે છે.