દીવારમાં વિજયના રોલ માટે પહેલી પસંદ નહોતા અમિતાભ બચ્ચન, આ સુપરસ્ટારને લેવા માંગતા હતા યશ ચોપરા

દીવાર અમિતાભ બચ્ચનઃ

1975માં આવેલી ફિલ્મ દીવાર બોલિવૂડની ખૂબ જ શાનદાર ફિલ્મ માનવામાં આવે છે. આ ફિલ્મમાં અમિતાભ બચ્ચનની એક્ટિંગ તેમનું બેસ્ટ કામ માનવામાં આવે છે.

દીવાર અમિતાભ બચ્ચનઃ

યશ ચોપરાએ પોતાના ફિલ્મી કરિયરમાં એકથી વધુ હિટ ફિલ્મોનું નિર્માણ કર્યું હતું. એ બધી ફિલ્મોમાંથી એક ખૂબ જ શાનદાર ફિલ્મનું નામ દીવાર છે. આ ફિલ્મ સાથે જોડાયેલી ખાસ વાત એ છે કે વિજય, રવિ અને તેમની માતાના રોલ માટે અમિતાભ બચ્ચન, શશિ કપૂર અને નિરુપા રોય પહેલી પસંદ નહોતા, પરંતુ બાદમાં જ્યારે આ કલાકારો સાથે ફિલ્મ તૈયાર થઇ ત્યારે સિનેમા હોલમાં 100 અઠવાડિયા સુધી ચાલી હતી. આવો જાણીએ કયા કલાકાર હતા યશ ચોપરાની પહેલી પસંદ.

આ કલાકારો પહેલી પસંદ હતા.

ફિલ્મ દીવારની સ્ક્રિપ્ટ યશ ચોપરાની સામે આવી ત્યારે આ ફિલ્મમાં માતાના રોલ માટે વિજયના રોલ માટે સુપર સ્ટાર રાજેશ ખન્ના, રવિ અને વૈજયંતીમાલાના રોલ માટે નવીન નિશ્ચલ પહેલી પસંદ હતા. જોકે આ પછી સલીમ-જાવેદ અને રાજેશ ખન્ના વચ્ચે થોડી તિરાડ પડી હતી, જેના કારણે રાજેશ ખન્ના આ ફિલ્મ કરી શક્યા નહોતા. રાજેશ ખન્નાની એક્ઝિટ બાદ નવીન નિશ્ચલ અને વૈજયંતીમાલાએ પણ આ ફિલ્મમાં કામ કરવાની ના પાડી દીધી હતી.

આ પછી યશ ચોપરાએ અમિતાભ બચ્ચન અને શશી કપૂરના નામ ફાઇનલ કર્યા હતા. આ સાથે વહીદા રહેમાનને માતાના રોલ માટે પસંદ કરવામાં આવી હતી, પરંતુ યશ ચોપરાની બીજી ફિલ્મ કભી કભીમાં તે અમિતાભની ગર્લફ્રેન્ડ બનવાની હતી. આ વાતને ધ્યાનમાં રાખીને વહીદા રહેમાનને બદલે નિરુપા રાયને માતાનો રોલ મળ્યો હતો. આ ફિલ્મે રિલીઝ થયા બાદ તહેલકો મચાવી દીધો હતો.

આ ફિલ્મમાં અમિતાભ બચ્ચનના અભિનયને ખૂબ પસંદ કરવામાં આવ્યો હતો. તે સમયે ફોર્બ્સ મેગેઝિને અમિતાભ બચ્ચનની એક્ટિંગને બેસ્ટ 25 એક્ટિંગ પર્ફોમન્સમાં સામેલ કરી હતી.