ખોરાકની અસર ચહેરા પર સ્પષ્ટ દેખાય છે. બિનઆરોગ્યપ્રદ વસ્તુઓ ખાવાથી ત્વચા ખરાબ થાય છે. જે લોકો વધુ ઓઇલી અને મસાલેદાર વસ્તુઓ ખાય છે તેમને ત્વચાની સમસ્યાઓ વધુ હોય છે જેમ કે ખીલ અને કરચલીઓ. જો તમે આ સમસ્યાઓથી છૂટકારો મેળવવા માંગતા હોવ તો કેટલાક ફળોને તમારા આહારનો ભાગ બનાવવો ફાયદાકારક સાબિત થઈ શકે છે. ફળોમાં રહેલા એન્ટી એજિંગ ગુણથી ચહેરા પરથી કરચલીઓ ગાયબ થઈ જશે, જેનાથી તમારો ચહેરો યુવાન દેખાશે.
તેનાં રસ ઝરતાં ફળોમાં રહેલા ગુણધર્મો ત્વચાની સુંદરતા વધારવાનું કામ કરે છે. બેરીઝમાં વિટામિન સી, વિટામિન ઇ અને પોટેશિયમ જેવા પોષક તત્વો ભરપૂર માત્રામાં હોય છે. આ પોષક તત્વો ત્વચાની સમસ્યાઓને દૂર કરવામાં મદદ કરે છે.
પપૈયું ત્વચા માટે ખૂબ ફાયદાકારક છે. તેનો ઉપયોગ ઘણા બ્યુટી પ્રોડક્ટ્સમાં પણ થાય છે. પપૈયું ખાવાથી શરીર ડિટોક્સ થાય છે અને કરચલીઓ અને ખીલની સમસ્યા દૂર થાય છે.
નારંગીમાં હાજર ગુણધર્મો ત્વચાને ફાયદો કરે છે. તેમાં વિટામિન સી, એન્ટિ-ઓક્સિડન્ટ્સ અને એન્ટિ-બેક્ટેરિયલ ગુણધર્મો હોય છે. તે એન્ટિ-એજિંગનું કામ કરે છે અને ત્વચાને યુવાન રાખવામાં મદદ કરે છે.
સ્ટ્રોબેરી ખાવી ત્વચા માટે ખૂબ ફાયદાકારક છે. તેમાં એન્ટી એજિંગ ગુણ હોય છે જે કરચલીઓ દૂર કરવાનું કામ કરે છે. સ્ટ્રોબેરીમાં ભરપૂર માત્રામાં એન્ટી ઓક્સીડેન્ટ અને વિટામિન સી હોય છે અને ત્વચાની સમસ્યાઓ દૂર કરવાનું કામ કરે છે.
એપલ ત્વચાને ચુસ્ત અને ચમકદાર બનાવવાનું કામ કરે છે. તેમાં વિટામિન સી હોય છે, જે ટેનિંગ અને સનબર્નની સમસ્યાથી રાહત આપે છે.
