All for One one For All
સવારે ઉઠીને સૌથી પહેલાં કરો આ 3 મંત્રનો જાપ, તમારા જીવનમાં નહીં રહે કોઇ અડચણ
હિન્દૂ ધર્મ પરંપરાનો ધર્મ માનવામાં આવે છે. આપના શાસ્ત્રોમાં ઘણી એવી વાતો છે જેનાથી આપણે સાવ અજાણ જ છે. અને જો કદાચ જાણતા પણ હોય તો પૂરેપૂરી માહિતી આપણી પાસે નથી હોતી. આપણા આ શાસ્ત્રોમાં કેટલાંક નિયમો, શુભ-અશુભ અને યોગ માટેનાં ઉપાય જણાવવામાં આવ્યા છે. જો આપણે આ શાસ્ત્રોમાં દર્શાવેલ ઉપાયનું નિયમિત રીતે પાલન કરીએ તો આપણને સફળતા અવશ્ય મળે છે.
આમ તો એવું જ કહેવામાં આવે છે કે સ્નાન કર્યા બાદ જ પૂજા પાઠ, પ્રભુ ભક્તિ કે પછી કોઇ શુભ કાર્ય હાથ પર લેવુ જોઈએ. પરંતુ જો સવારે ઉઠતાની સાથે જ ન્હાયા વગર પણ જો તમે આ મંત્રોનો જાપ કરશો તો તમારાં જીવનની ઘણી બધી તકલીફો દૂર થઇ જશે.
ब्रह्मा मुरारिस्त्रिपुरान्तकारी भानुः शशी भूमिसुतो बुधश्च ; गुरुश्च शुक्रः शनि राहुकेतवः कुर्वन्तु सर्वे ममसुप्रभातम्..
આ મંત્રનો અર્થ થાય છે કે બ્રહ્મા, વિષ્ણુ, શિવ, સૂર્ય, ચંદ્ર, મંગળ, બુધ, બૃહસ્પતિ, શુક્ર, શનિ , રાહુ અને કેતુ આ દરેક દેવ મારી સવારને શુભ બનાવે. આ મંત્રને લઇને એવી માન્યતા પ્રવર્તે છે કે તેનો જાપ કરવાથી દેવી-દેવતા અને નવ ગ્રહ પ્રસન્ન થાય છે અને આપણને તેમની કૃપા મળે છે. એટલું જ નહીં નિયમિત આ મંત્ર બોલનાર વ્યક્તિને દરેક પ્રકારના દુર્ભાગ્યથી મુક્તિ મળે છે
कराग्रे वसते लक्ष्मीः करमध्ये सरस्वती ; करमूले तू गोविंद: प्रभाते करदर्शनम्..
એવું કહેવામાં આવે છે કે સવારે ઉઠતાની સાથે જ તમારે તમારી હથેળી જોવી જોઇએ, કારણ કે એવું માનવામાં આવે છે કે આપણા હાથના આગળના ભાગમાં દેવી લક્ષ્મી, મધ્ય ભાગમાં દેવી સરસ્વતી અને હાથના મૂળભાગમાં ભગવાન વિષ્ણુનો વાસ હોય છે. આ કારણથી તમે જ્યારે સવારે ઉઠો કે તરત જ તમારેબન્ને હથેળીને એકસાથે જોઇને આ મંત્રનો જાપ કરવો એ ખૂબ જ શુભ માનવામાં આવે છે.
એવું પણ કહેવામાં આવે છે કે સવારે તમે જ્યારે ઉઠો અને જમીન પર તમારા પગ મુકો એ તમે પહેલા ધરતી માતાને પ્રણામ કરો, કારણ કે ધરતી માતા પર આપણે આખો દિવસ ચાલીએ છીએ. આખો દિવસ તેની પર ચાલીને કામ કરીએ છીએ. આ કારણથી સવારે ઉઠીને સૌથી પહેલા આપણે ધરતી માને પ્રમાણ કરીને તેમની માફી માંગવી જોઇએ. અને આ મંત્ર બોલવો જોઈએ
સમુદ્ર વસને દેવી પર્વત સ્તન મંડલે |
વિષ્ણુપત્નિ નમસ્તુભ્યં, પાદસ્પર્શં ક્ષમસ્વમે
