મુકેશ અંબાણીની કંપની રિલાયન્સે શુક્રવારે ભારતમાં બ્રિટિશ સેન્ડવીચ અને કોફી ચેઈન ‘પ્રેટ અ મેન્જર’નો પહેલો સ્ટોર લોન્ચ કર્યો હતો.જે મુકેશ અંબાણી હવે ‘પ્રેટ અ મેન્જર’ દ્વારા ટાટાની સ્ટારબક્સ સાથે સ્પર્ધા કરવાની તૈયારી કરી રહ્યા છે. મુકેશ અંબાણીએ ચા પીતા દેશમાં યુવાનોમાં વધી રહેલા કોફી કલ્ચરને જોતા મોટી દાવ રમી છે. મુંબઈના બાંદ્રા-કુર્લા કોમ્પ્લેક્સમાં મેકર મેક્સીટી ખાતે ‘પ્રેટ અ મેન્જર’નો પહેલો સ્ટોર ખુલ્લો છે.
રિલાયન્સ બ્રાન્ડ્સ લિમિટેડ, રિલાયન્સ રિટેલની પેટાકંપની, બ્રિટિશ સેન્ડવિચ અને કોફી ચેઇન સાથે ભાગીદારીમાં પ્રથમ વર્ષમાં ભારતમાં કુલ 10 સ્ટોર્સ ખોલવાની યોજના ધરાવે છે. રિલાયન્સ બ્રાન્ડ્સના એમડી દર્શન મહેતાએ જણાવ્યું હતું કે કંપની ભારતમાં પ્રથમ પ્રેટ શોપ ખોલવા માટે રોમાંચિત છે. ગયા વર્ષે મહેતાએ કહ્યું હતું કે બ્રાન્ડ ભારતમાં એરપોર્ટ પર ધ્યાન કેન્દ્રિત કરશે.
100 નવા સ્ટોર ખુલશે
કરાર મુજબ ભારતમાં આવતા પાંચ વર્ષમાં 100 પ્રેટ અ મેનેજર સ્ટોર્સ ખુલશે. તમને જણાવી દઈએ કે ટાટા સ્ટારબક્સ હાલમાં આ કોફી માર્કેટમાં સૌથી મોટી ખેલાડી છે. ‘પ્રેટ અ મેનેજર’ના સીઈઓ પેનો ક્રિસ્ટોએ જણાવ્યું હતું કે ભારતમાં આવવું એ કંપનીનું લાંબા સમયથી ઉદ્દેશ્ય રહ્યું છે. મુંબઈમાં પ્રથમ સ્ટોર ખોલવો એ તેના આંતરરાષ્ટ્રીય કારોબારને વિસ્તારવાની કંપનીની યોજનાઓમાંની એક છે.
ટાટા સ્ટારબક્સ માર્કેટમાં પ્રભુત્વ ધરાવે છે
ટાટા સ્ટારબક્સના 30 શહેરોમાં 275 સ્ટોર્સ છે. ટાટા કન્ઝ્યુમર પ્રોડક્ટ્સ અને અમેરિકન કોફી ચેઈન સ્ટારબક્સ વચ્ચેના 50:50 સંયુક્ત સાહસે FY22માં 50 નવા સ્ટોર્સ ખોલ્યા છે. આ કંપની માટે એક વર્ષમાં સૌથી વધુ છે. નુવામા ઇન્સ્ટિટ્યૂશનલ ઇક્વિટીઝના એક્ઝિક્યુટિવ ડિરેક્ટર અવનીશ રોયે જણાવ્યું હતું કે ‘પ્રેટ અ મેન્જર’ સ્ટોર્સ ખોલવાથી સ્ટારબક્સની ઊંચી કિંમતો પર અસર પડી શકે છે.
