દુનિયાના સૌથી લાંબા જળમાર્ગની યાત્રા કરવા જઈ રહેલ ગંગા વિલાસ ક્રૂઝ આજે (8 જાન્યુઆરી) ઉત્તર પ્રદેશના વારાણસી પહોંચશે. નદી પર તરતી આ 5 સ્ટાર હોટલનું વારાણસીના રવિદાસ ઘાટ પર ભવ્ય સ્વાગત કરવામાં આવશે. ક્રુઝમાં ૨૮ પ્રવાસીઓ સવાર છે. કાશીથી દિબ્રુગઢ સુધીની યાત્રા 13 જાન્યુઆરીથી શરૂ થશે. વડાપ્રધાન નરેન્દ્ર મોદી 3,200 કિલોમીટરના આ ક્રૂઝને વર્ચ્યુઅલી લીલી ઝંડી આપશે. તે ભારત સરકારની મહત્વાકાંક્ષી યોજના ભારતીય અંતર્દેશીય જળમાર્ગ પરિવહનનો એક મહત્વપૂર્ણ ભાગ છે. આવો જાણીએ પાણી પર તરતી આ 5 સ્ટાર હોટલની શું ખાસિયતો છે.
ગંગા વિલાસ ક્રૂઝની ખાસિયત એ છે કે તે 3200 કિલોમીટરની દિબ્રુગઢ સુધીની સફર 48 દિવસમાં પૂરી કરશે. ગંગા વિલાસ ક્રુઝ એ ભારતમાં બાંધવામાં આવેલું પ્રથમ રિવર ક્રુઝ છે.
ગંગા વિલાસ ક્રુઝ ફાઇવ સ્ટાર સુવિધાઓથી સજ્જ છે. ગંગા વિલાસ ક્રુઝમાં 18 સ્વીટ્સ છે. ગંગા વિલાસ ક્રુઝની લંબાઈ 62.5 મીટર અને પહોળાઈ 13 મીટર છે.
ગંગા વિલાસ ક્રૂઝમાં ઓપન સ્પેસ બાલ્કની, સ્ટડી રૂમ, જિમ અને લાઇબ્રેરી પણ છે. મનોરંજન માટે ગીત-સંગીત અને સાંસ્કૃતિક કાર્યક્રમોનું પણ આયોજન કરવામાં આવશે.
ગંગા વિલાસમાં ક્રુઝ સલૂન અને સ્પા પણ છે. આ સાથે તબીબી સેવાઓ પણ ઉપલબ્ધ થશે. ગંગા વિલાસ ક્રુઝમાં ૮૦ પ્રવાસીઓ સાથે કુલ ૧૦૦ લોકો સવાર થશે. ગંગા વિલાસ ક્રુઝ ૨૭ નદીઓમાંથી પસાર થશે અને તેની યાત્રા પૂર્ણ કરશે.
ગંગા વિલાસ ક્રુઝ વારાણસીથી શરૂ થશે અને પટના, કોલકાતા, ઢાકા, ધુબરી, ગુવાહાટી અને માજુલી ટાપુ પરથી પસાર થશે. રિવર ક્રુઝ ૧ માર્ચે દિબ્રુગઢ પહોંચશે.
