રાજસ્થાનના જોધપુરની રહેવાસી પૂજા બિશ્નોઈએ માત્ર ત્રણ વર્ષની ઉંમરે જ એથ્લીટ (સ્પોર્ટ્સ) બનવાની તૈયારી શરુ કરી દીધી હતી. પૂજા ખેડૂત પરિવારમાંથી આવે છે અને હવે તેને બેસ્ટ એથ્લેટનો એવોર્ડ એનાયત કરવામાં આવ્યો છે. વિરાટ કોહલી પણ પૂજા વિશ્નોઈનો ફેન છે અને પૂજાનો પૂરો ખર્ચ વિરાટ કોહલી ફાઉન્ડેશન ઉઠાવી રહ્યો છે.
પૂજા વિશ્નોઇનો જન્મ 10 એપ્રિલ, 2011ના રોજ જોધપુરના ગુડા વિશ્નોઇયાં ગામમાં થયો હતો. પૂજાના પિતા અશોક બેનીવાલ ખેડૂત છે. 12 વર્ષની પૂજા વિશ્નોઈએ ઓલ ઈન્ડિયા આઈપીએસસી ટુર્નામેન્ટ (અંડર-19) 3000 મીટરની રેસ જીતી લીધી છે. એટલું જ નહીં પૂજા ચાર કિલોમીટર ક્રોસ કન્ટ્રી પણ જીતી ચૂકી છે. (આભાર પૂજા બિશ્નોઈ (@poojabishnoi36)
પૂજા વિશ્નોઇનો રમત પ્રત્યેનો જુસ્સો એ છે કે વિરાટ કોહલીએ ઘણી વખત તેના વખાણ કર્યા છે. વિરાટ કોહલી ફાઉન્ડેશન પૂજા વિશ્નોઇના પ્રમોશનનો સંપૂર્ણ ખર્ચ તો ઉઠાવી જ રહ્યું છે, સાથે જ જોધપુરમાં એક ફ્લેટ પણ આપવામાં આવ્યો છે. (આભાર પૂજા બિશ્નોઈ (@poojabishnoi36)
પૂજા વિશ્નોઇના સોશિયલ મીડિયા પર ઘણા ચાહકો છે. જેમાં તે પોતાની સ્પોર્ટ્સ તૈયારીઓ અને કેટલીક ફેમિલી તસવીરો શેર કરતી રહે છે. આખું જોધપુર તેના પર ગર્વ અનુભવે છે. (આભાર પૂજા બિશ્નોઈ (@poojabishnoi36)
પૂજા વિશ્નોઇ હવે ઓલિમ્પિક 2024માં ભાગ લેવા માંગે છે. જેના માટે તે મહેનત પણ કરી રહી છે. પૂજા ત્રણ વર્ષની ઉંમરથી જ એથલીટ બનવાની તૈયારી કરી રહી છે. આ જ કારણ છે કે વિરાટ કોહલી જ નહીં પરંતુ મહેન્દ્ર સિંહ ધોનીએ પણ તેના વખાણ કર્યા છે. (આભાર પૂજા બિશ્નોઈ (@poojabishnoi36)
પૂજા વિશ્નોઈ પણ બુસ્ટ હેલ્થ ડ્રિંકની જાહેરાતમાં દેખાઈ ચૂકી છે. પૂજા વિશ્નોઇ તે તમામ બાળકો માટે પ્રેરણાસ્ત્રોત છે જે રમતગમતમાં ભવિષ્ય બનાવવા માંગે છે. પૂજાની સફળતા સાબિત કરે છે કે જો મહેનત કરવામાં આવે તો આખી દુનિયા મદદના હાથ લંબાવે છે. (આભાર પૂજા બિશ્નોઈ (@poojabishnoi36)
