આજે વેલેન્ટાઈન ડેની ઉજવણી દેશભરમાં કરાઈ રહી છે. આ સમયે જો તમે તમારા પાર્ટનર માટે હજુ સુધી કંઈ કર્યું નથી તો આજે તમાેરે આ ખાસ પ્લાન કરી લેવો જરૂરી છે. તેના માટે તમે ઘરે રહીને જ પાર્ટનરને થોડા ખર્ચમાં ખુશ કરી શકો છો. જો કે પાર્ટનરને ખુશ કરવા આવા કોઈ ખાસ પ્રયાસની જરૂર રહેતી નથી પણ તો પણ આ નાનો પ્રયાસ તેમને ખશ કરી શકે છે.
જો તમે તમારા સંબંધમાં રોમાન્સ વધારવા ઇચ્છો છો તો તમે વાસ્તુ અનુસાર તમારા રૂમને પાર્ટનર માટે સજાવો. અહીં તમે તમારી પાસેની જ કેટલીક ખાસ વસ્તુઓનો ઉપયોગ કરી શકો છો. આ સાથે તમે અહીં તમારા બેડરૂમમાં દંપતિનો ફોટો, રાધા કૃષ્ણનો ફોટો, લવ બર્ડના ફોટો મૂકી શકો છો. આ ફોટો માથા બાજુ રાખો અને બેડને સજાવો.
આ સિવાય બેડ સજાવવા માટે પણ તમે ખાસ ટિપ્સ અજમાવી શકો છો. તમે ગુલાબની પાંદડીઓની સાથે સાથે દિલ શેપના બલૂન્સ રૂમમાં લગાવી શકો છો. આ સિવાય રેડ કે પિંક રંગના કુશન્સ કે ચાદર તમારા પ્રેમને વધારવામાં મદદ કરી શકે છે. આ સાથે રૂમમાં લાલ લાઈટ પણ લગાવી શકો છો.
આ સિવાય કેટલીક ફ્રેગરન્સ વાળી કલરફૂલ કેન્ડલ્સનો પ્રયોગ કરો. આ સિવાય તમે રૂમ ફ્રેશનર, ગુલાબજળનો છંટકાવ, ચંદનની લાકડીઓ પણ ફ્રેશનેસ માટે વાપરી શકો છો. તેનાથી રૂમમાં સુગંધ ફેલાશે અને એક અલગ જ માહોલ તૈયાર થઈ જશે.
આ સિવાય બેડરૂમમાં તમે કપૂરનો પ્રયોગ કરો. તેને ચાંદીની વાટકીમાં રાકીને બાળી લેવાથી પણ પરસ્પર પ્રેમ વધે છે. આ સાથે કપૂર બાળવાથી રૂમની નેગેટિવ ઉર્જા ખતમ થાય છે અને સકારાત્મકતા સાથે પ્રેમની અનુભૂતિ કરી શકાય છે.
બેડરૂમમાં 2 ગાદલા ન રાખો. હોય તો તેને આજે જ ચેન્જ કરો. એક જ ગાદલું હોવું વાસ્તુ અનુસાર યોગ્ય માનવામાં આવે છે. આ સિવાય તમે બેડરૂમમાં કર્ટેન્સને પણ ખાસ રીતે સજાવી શકો છો. જો શક્ય હોય તો ડિસ્કો લાઈટ લગાવી લો. તેનાથી તમને ડાન્સની ફિલિંગ સારી આવશે.
